தேசிய மட்ட கபடிப் போட்டி பருத்தித்துறை மெதடிஸ் பெண்கள் பாடசாலை சம்பியன்
பிரசுரிக்கபட்ட திகதி: 14/09/2016 (புதன்கிழமை)
இலங்கைப் பாடசாலைகளுக்கிடையிலான தேசிய மட்ட கபடிப்போட்டியில் 19 வயதிற்குட்பட்ட பெண்களிற்கான போட்டியில் பருத்தித்துறை மெதடிஸ் பெண்கள் உயர்தரப் பாடசாலை அணி சம்பியன் கிண்ணத்தைத் தமதாக்கிக் கொண்டது. தேசிய மட்ட கபடிப் போட்டியின் இறுதியாட்டம் 10ஆம் திகதி மாத்தறை உயன்வத்தை மைதானத்தில் நடைபெற்றது.
இந்த இறுதியாட்டத்தில் பருத்தித்துறை மெதடிஸ் பெண்கள் உயர்தரப் பாடசாலை அணியை எதிர்த்து மட்டக்களப்பு பளுத்துகம மகா வித்தியாலய அணி மோதியது.
இதில் ஆட்டம் ஆரம்பமானது முதல் இரு அணிகளும் அனல் பறந்த ஆட்டத்தை வெளிப்படுத்தினர். முதல் பாதி இரு அணிகளும் ஒருவருக்கு ஒருவர் சளைக்காது இரு அணிகளும் வெற்றிக்காக கடுமையாக போராடினார்கள். பிற்பாதி ஆட்டத்தில் பருத்தித்துறை மெதடிஸ் பெண்கள் உயர்தரப் பாடசாலை கபடி அணி கடுமையான போட்டியை வெளிப்படுத்தி புள்ளிகளை சேகரித்தனர். போட்டியின் முடிவில் 36:23 என்ற புள்ளிகள் அடிப்படையில் மட்டக்களப்பு பளுத்துகம மகா வித்தியாலய அணியை தோற்கடித்து பருத்தித்துறை மெதடிஸ் பெண்கள் உயர்தரப் பாடசாலை கபடி அணி சம்பியன் பட்டத்தை தமதாக்கியது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
